Прэзыдэнт ЗША Барак Абама мае намер на працягу
году закрыць турму на ваеннай базе ў Гуантанама. Як чакаецца, сёньня ён
падпіша адпаведнае распараджэньне.
У распараджэньні будзе таксама заклік да спыненьня ўсіх судовых разьбіральніцтваў, якія вядуцца цяпер у Гуантанама.
Сёньня ў Менску
дэлегацыя Бюро ў дэмакратычных інстытутах і правах чалавека АБСЭ на
чале зь яго дырэктарам Янезам Ленарчычам пачынае перамовы з афіцыйным
Менскам па дэмакратызацыі выбарчага заканадаўства і правапрымяняльнай
практыкі.
Пра
гатоўнасьць пачаць у гэтым пытаньні «прадметны дыялёг» з БДІПЧ, у
беларускім міністэрстве замежных спраў заявілі яшчэ ў сьнежні мінулага
году. І накіравалі афіцыйнае запрашэньне кіраўніцтву бюро наведаць
Менск.
Кіраўніцтва Кансэрватыўна-Хрысьціянскай Партыі – БНФ прыняло заяву аб фінансава-эканамічным крызісе ў Беларусі.
«На Беларусі працягваецца фінансава-эканамічны крызіс, які дзень у
дзень пагаршае становішча краіны і людзей, - гаворыцца ў заяве, -
Крызіс пачаўся на Захадзе, але непасрэдна прыйшоў да нас з Расеі і
зьявіўся вынікам антынацыянальнай і эканамічна неадэкватнай палітыкі
кіруючага рэжыму ў Беларусі”.
Прэзыдэнты Ўкраіны
і Беларусі Віктар Юшчанка і Аляксандар Лукашэнка могуць сустрэцца ў
хуткім часе для абмеркаваньня шэрагу пытаньняў двухбаковага
супрацоўніцтва, заявіў Інтэрфаксу ўкраінскі амбасадар у Менску Ігар
Ліхавы.
"Гэтая сустрэча ў хуткім часе адбудзецца, таму што ў ёй ёсьць неабходнасьць.
Сёньня лідэр грамадзкай кампаніі “За свабоднае
разьвіцьцё прадпрымальніцтва” (зарэгістраваная ва Ўкраіне) Віктар
Гарбачоў заявіў, што прадпрымальнікі Беларусі зьвяртаюцца з
заклікам правесьці 25 сакавіка Марш пратэсту.
Міністар замежных
спраў Літвы Вігаўдас Ушацкас падчас сёньняшняга візыту ў Менск заявіў
журналістам, што Эўразьвяз і Літва чакаюць у новым годзе крокаў па
дэмакратызацыі Беларусі.
Спадар Ушацкас запрасіў міністра замежных спраў Беларусі Сяргея Мартынава наведаць Літву ў наступным годзе.
У прэсавай службе кіраўніка дзяржавы
агенцтву “Інтэрфакс-Захад” паведамілі, што па выніках сёньняшняй нарады
з удзелам Аляксандра Лукашэнкі было прынятае рашэньне захаваць існы
прынцып падаткаабкладаньня прадпрымальнікаў.
Пры гэтым
каэфіцыент 1,5, які цяпер прымяняецца да замежных тавараў, што ўвозяцца
з Расеі ва ўмовах адсутнасьці мытнага афармленьня, будзе павялічаны да 2.