25сакавіка 2010 года, ў дзень святкавання Дня Влі, адбылося паседжанне Мазырскай раённай выбарчай камісіі па рэгістрацыі кандыдатаў у дэпутаты Мазырскага раённага Савета.

   Як і прадбачылася большая частка акругаў  з 40 засталіся безальтэрнатыўнымі 37.

   Зарэгістраваны па два кандыдаты толькі ў 3-х акругах. Па Катаеўскай выбарчай акрузе № 16, дзе балатуецца Сяргей Лапуста (АГП), па Станцыйнай выбарчай акрузе №25  Франак Вячорка.

   Супернікам С. Лапусты будзе бізнесовец В. Чабанян (які, дарэчы прадаў свой бізнес – сетку прывабна і добра забяспечаных харчовых крамаў  - "Еўраопту”, пакінуўшы сабе пакуль аптэчны сектар бізнесу). А супернікам Ф. Вячоркі будзе дзейны дырэктар спартыўна-гарналыжнага комплекса ў Мазыры Каробкін  (былы функцыянер райвыканкама).

   Па выбарчай акрузе №33 балатавалася 3 прэтэндэнты – малады эканаміст з МНПЗ, бізнесовец і самавылучэнец тэлемайстар Уладзімір Хаменка, якога прапанавалі самі жыхары акругі і самаручна запісваліся ў падпісныя лісты і якога не зарэгістравалі з-за неадпаведнасці сапраўднасці подпісаў.

   Па гэтай жа прычыне не зарэгістравалі  сябра руху "За Свабоду” Віктара Башынскага і Сябра Партыі БНФ Уладзіміра Целяпуна, якія вылучаліся шляхам збору подпісаў грамадзян.
У. Целяпуну, які балатаваўся ад Партыі БНФ у Гомельскі абласны Савет, таксама  дадалі да адмовы неадпаведнасць дадзеных па Дэкларацыі на нерухомасць. Зямельны дачны ўчастак, які быў прададзены ў 2005 годзе і, які не дэклараваўся пры  рэгістрацыі ў2007 годзе, калі У. Целяпун балатаваўся ў Гомельскі абласны Савет – зноў аказаўся ва ўласнасці сп. У. Целяпуна.
На неадпаведнасць дадзеных Дэклярацыі адмоўлена і сябру партыі левых "Справедлівы свет” старшыні Мазырскага райкама Бокаву Ю.Г.

   25сакавіка 2010 года на паседжанні Мазырскай раённай выбарчай камісіі па рэгістрацыі кандыдатаў у дэпутаты Мазырскага раённага Савета зноў было адмоўлена У. Целяпуну фатаграфаванне  паседжання камісіі. Калі здымкі пачаў рабіць Ф. Вячорка, сакратаром камісіі яму была зроблена заўвага на недапушчэнне правядзення фотаздымкаў.

  У. Целяпун запатрабаваў уключэння пытання аб забароне  правядзення фотаздымкаў на галасаванне камісіі. Што і было зроблена – за дазвол праводзіць фотаздымкі – 0, супраць – 11 сябраў Мазырскай раённай выбарчай камісіі.

   Матыў – здымкі паседжання камісіі праводзяць "Тэлеканал "Мазыр” і фотакарэспандэнт мясцовай газеты "Жыццё Палесся”.