У Менску, Гомелі й Жодзіна ў спецпрыймальніку-разьмеркавальніку на вуліцы Акрэсьціна й ізалятарах часовага ўтрыманьня да гэтага часу застаюцца 11 актывістаў моладзевага нацыянальнага руху, 9 зь якіх былі затрыманыя пасьля масавай акцыі ў Дзень Незалежнасьці Беларусі. У гомельскім ізалятары трымае галадоўку пратэста супраць незаконных дзеяньняў міліцыянтаў кіраўнік Маладога Фронту г.Гомеля Андрусь Цянюта. Трэба таксама дадаць, што сярод тых, хто застаецца ў няволі ёсьць і 2 дзяўчыны-маладафронтаўкі, Кацярына Галіцкая (асуджаная на 10 сутак арышту) і Кацярына Салаўёва (асуджаная на 5 сутак арышту). Таксама ў турме на Акрэсьціна сядзяць і моцна зьбітыя байцамі спэцназу лідэры Маладога Фронту Зьміцер Дашкевіч і Артур Фінькевіч.