У актывіста Маладога Фронту Зьмітра Ясевіча, які вяртаўся зь Вільні ў Беларусь, беларускія памежнікі правялі вобшук асабістых рэчаў.
“Усе мае асабістыя рэчы былі дасканала агледжаны памежнікамі, - распавядае Зьміцер Ясевіч. – Яны праверылі, перагледзелі кожную старонку падручнікаў, зазірнулі нават у барсэтку з зубною пастаю - ужо даходзяць да маразму. Акрамя гэтага, цікавіліся, што я буду рабіць 25 сакавіка. Маўляў, “у чорным сьпісе вы, трэба правяраць…” Адказваць я, безумоўна, адмовіўся”.
Гэта ўжо ня першы выпадак такіх бесцырымонных адносін да Зьмітра Ясевіча. Раней памежнікі тлумачылі свае дзеяньні тым, што шукаюць у рэчах маладафронтаўца зброю ці наркотыкі.
|