Як паведамляе афіцыйны сайт Sepultura, канцэрт у менскім Палацы спорту адбудзецца 4 сакавіка 2009 году. У беларускую сталіцу Sepultura прывязе сваю новую праграму «A-Lex». Альбом пабачыць сьвет у студзені 2009 году.

Гэта будзе першы альбом бразыльцаў, запісаны без братоў Кавалера — Макс сыйшоў з каманды амаль адразу пасьля выхаду славутага «Roots» (1996), а Ігар Кавалера — перад запісам «A-Lex» у 2007 годзе.

Застаецца спадзявацца, што Sepulturа выканае свае старыя баевікі, якія і прынесьлі бразыльскім піянэрам мэталу сусьветную вядомасьць: «Troops of Doom», «Territory», «Inquisition Symphony», «Escape to the Void», «Refuse/Resist», «Roots Bloody Roots», «Attitude», «Ratamahatta» і ўдалы кавэр на кампазыцыю ангельцаў — Motorhead «Orgazmotron».

Цяпер Sepulturа складаюць:

Андрэас Кісэр (прыйшоў у каманду ў 1987-м) — гітара
Дэрык Грын (з 1997-га) — вакал, гітара
Паула Ксіста Пінта малодшы (з моманту заснавання гурта ў 1984-м) — бас-гітара
Джын Далабэла (з 2006-га) — бубны

Паслухаць новыя кампазыцыі Sepulturа можна тут.