Папа рымскі Бэнэдыкт XVI заплянаваў візыт у Беларусь
06:47
Паводле польскай
“Каталіцкай агенцыі інфармацыйнай”, Беларусь уключаная ў лік краінаў,
куды ў 2010 годзе заплянаваныя візыты пантыфіка.
У плянах Бэнэдыкта XVI — наведваньне Мальты, Англіі, Нямеччыны, а таксама Беларусі альбо Партугаліі.
Таксама не выключаецца, што ў 2010 годзе адбудзецца сустрэча папы
рымскага Бэнэдыкта XVI з патрыярхам Маскоўскім і ўсяе Русі Кірылам.
Месцам гэтай сустрэчы можа стаць Беларусь альбо партугальскі горад
Фаціма, паведамляе БелаПАН.
Нагадаем,
падчас візыту ў Ватыкан у красавіку 2009 году Аляксандар Лукашэнка
запрасіў папу рымскага ў Беларусь, дзе прапанаваў зладзіць ягоную
сустрэчу з маскоўскім патрыярхам.