На сайце Мазырскага райвыканкама (mozyrisp.gov.by) змешчана Рашэнне Мазырскага райвыканкама "Аб вызначэнні ў Мазырскім раёне месцаў для правядзення агітацыі за кандыдатаў у дэпутаты мясцовых Саветаў 26 склікання (па ўзгадненню з Мазырскай выбарчай камісіяй).

   На сайце не пазначаны нумар Рашэння і дата прыняцця. У друку мясцова йпрэсы гэтае Рашэнне па стану на 23 сакавіка яшчэ не надрукавана.

  У дадатку 1 да рашэння пазначаны пералік памяшканняў для правядзення сустрэчаў з кандыдатамі ў дэпутаты.
Трэба адзначыць, што ў самом Мазыры выдзелены ўсе буйныя Палацы культуры, ў тым ліку "Мазырскага НПЗ”, гарадскі Палац культуры і іншыя.

   Мазырскі раён таксама не абдзелены ўвагай. Дзе не хапіла бібліятэк, сельскіх Дамоў культуры, клубаў, школаў – для сустрэч з кандыдатамі выдзелены магазіны (п. Чырвона Горка, н.п. Васькаўка), а таксама, нават, фельдшэрска-акушэрскія пункты (н.п. Стрэльск, н.п. Міцькі).
Як бачым, кандыдатам у дэпутаты прадастаўлены магчымасці і аратарскае майстэрства паказаць, абмеркаваць асартымент вясковых крамаў і медычных паслугаў насельніцтву.

   У дадатку 2 да Рашэння пазначаны пералік месцаў для правядзення масавых мерапрыемстваў (сходаў па-за  межамі памяшканняў, мітынгаў, пікетавання) па правядзенню перадвыбарчай агітацыі за кандыдатаў у дэпутаты.

   На гэта раз такіх месцаў павялічана амаль ўтрая. Раней былі і засталіся спартовыя стадыёны "Спартак” у "Цэнтральным” мікрараёне Мазыра і "Палессе” ў н. п. Козенкі. Але гэтыя месцы вельмі не прыдатныя і нязручныя для наведвання грамадзянамі ня толькі выбарчых мерапрыемстваў, але і спартовых.

   Затое дабавіліся пляцоўкі каля Дамоў культуры ў мікрарёне "Чыгуначны” і "Зарэчны” – ДК "40 год Кастрычніку” і "20 год Перамогі”.
Не забылі і пра аматараў маёвак – для іх выдзеляны парк "Дружба” ў мікрараёне "Дружба”.

   У Мазырскім раёне, акрамя пазначанага стадыёна "Палессе” ў н.п. Козенкі больш нічога не выдзелена. Мабыць для вяскоўцаў мазырскага раёна хопіць і двароў для жывёлы каля кароўнікаў. Да таго ж снег сышоў, зямля мокрая – гразі хопіць на ўсіх застаўшыхся на вёсках выбаршчыкаў і іх кандыдатаў.