На сустрэчы ў Ватыкане прысутнічаў Мікола Лукашэнка
05:27
Кіраўнік Беларусі Аляксандар Лукашэнка вельмі рады, што яго сустрэча з папам рымскім Бэнэдыктам XVI нарэшце адбылася.
Пра што гаварыў папа Бэнэдыкт XVI з Лукашэнкам?
Сьвяты пасад распаўсюдзіў прэсавы рэліз па выніках сустрэчы папы рымскага Бэнэдыкта XVI з кіраўніком Беларусі А.Лукашэнкам.
У
ім гаворыцца пра “мірнае суіснаваньне паміж праваслаўнай і каталіцкай
супольнасьцямі Беларусі, а таксама іншымі рэлігійнымі канфэсіямі”.
Сустрэча папы Бэнэдыкта XVI і прэзыдэнта Беларусі Аляксандра Лукашэнкі
адбылася ў абстаноўцы “пазытыўнага клімату”.
Падчас сустрэчаў
у Ватыкане “бакі абмеркавалі пытаньні, якія тычацца міжканфэсійнага,
міжкультурнага дыялёгу, а таксама тэмы міжнароднага характару, якія
зьвязаныя з прасоўваньнем міру і прагрэсу чалавецтва”.
Таксама
былі абмеркаваныя “некаторыя ўнутраныя пытаньні Беларусі, а таксама
тэмы, якія тычацца каталіцкай царквы ў Беларусі і пэрспэктывы
паглыбленьня супрацоўніцтва паміж Беларусьсю і Ватыканам”.
***
Як падае італьянскае выданьне Wallstreet Italia, Мікола Лукашэнка суправаджаў свайго бацьку ў Ватыкан у складзе суправаджальнай сьвіты.
Пяцігадовы Мікола ўручыў пантыфіку неафіцыйны падарунак - буквар, каб той вучыў расейскую мову.
Афіцыйцны падарунак папу ўручыў Міколаў бацька – крыж, які вырабіў рамесьнік.
***
Перадаюць,
што сустрэча прэзыдэнта Лукашэнкі сам-насам з папам Бэнэдыктам XVI
працягвалася 25 хвілін. Размову абслугоўвалі два перакладчыкі. Адзін зь
іх перакладаў на расейскую мову, другі — на італьянскую. Пасьля
заканчэньня аўдыенцыі пантыфік падараваў госьцю традыцыйныя залатыя
мэдалі.
"Наша сустрэча зацягнулася на доўгія гады, і нарэшце мы сустрэліся", – сказаў А.Лукашэнка ў Малой Троннай залі сьвятых Пятра і Паўла Апостальскага палацу ў Ватыкане, абменьваючыся поціскамі рук з папам рымскім.
Потым А.Лукашэнка і папа рымскі Бэнэдыкт XVI перайшлі ў папскую бібліятэку, дзе адбылася іх сустрэча ў фармаце сам-насам, перадае Інтэрфакс.
Аляксандар
Лукашэнка выказаў спадзяваньне, што яго наступная сустрэча з папам
рымскім Бэнэдыктам XVI адбудзецца ў Беларусі, і перадаў пантыфіку
запрашэньне наведаць Беларусь.
"Калі вы знойдзеце час, мы
сустрэнемся на беларускай зямлі. Калі на то будзе воля Божая", -
адзначыў А.Лукашэнка, разьвітваючыся з пантыфікам у Апостальскім палацы
пасьля праведзенай сустрэчы.