Экспэрымэнт, на які наважыліся арганізатары — атрымаўся. Больш
за 2000 гледачоў сабраў першы фэст Bela Music, які стаў сапраўдным
музычным апалітычным сьвятам.
Цягам пяці гадзінаў на сцэну выйшлі
практычна ўсе лідэры беларускага року, а на пляцоўцы маладафронтаўцы
адпачывалі побач з бээрсээмаўцамі.
23 траўня адбудзецца першы беларускі фэстываль «Bela Music —
09». Удзел у ім возьмуць дзевяць вядучых выканаўцаў. У апошні момант
арганізатары дамовіліся на выступ зь Пятром Елфімавым.
Названыя ляўрэаты прэміі «Альфа-радыё» ды Міністэрства
інфармацыі. Разынка прэміі ў тым, што тут няма падзяленьняў на месцы.
Кампанія адзначаных ня надта пярэстая.
Як і заўжды пераважная
большасьць у ёй — прадстаўнікі папулярнай музыкі, але здолелі патрапіць
у 20-ку абраных і два беларускамоўныя гурты — «Палац» і «Крамбамбуля».
Увечары ў Палацы культуры гораду Маладэчна былі названыя пераможцы 13-й
па ліку цырымоніі ўзнагароджаньня найлепшых музыкаў краіны
«Рок-Каранацыя». Абыйшлося без асаблівых сюрпрызаў — галоўную
рок-карону атрымаў гурт «Ляпіс Трубяцкой».
Каманда Сяргея Міхалка
сьледам за N.R.M. і Neuro Dubel стала трэцяй беларускай групай, якая
двойчы прызнавалася найлепшай на цырымоніі.
У пятніцу 13-га сакавіка адбудзецца першая ў Беларусі музычная
прэмія ў вобласьці мэтал-музыкі. Яе заснавальнікам выступіў
інтэрнэт-партал MetalFront.org.
Найлепшыя прадстаўнікі гэтага кірунку
будуць вызначаныя па пяці намінацыях. Гурт, альбом і міні-альбом назаве
журы ды ўдзельнікі форуму парталу, а пераможцаў у спэцыяльных
намінацыях абвесьціць каманда сайту MetalFront.org.
Бразыльскі гурт упершыню за сваю 25-гадовую гісторыю наведае
Беларусь і дасьць канцэрт у менскім Палацы спорту 4 сакавіка 2009 году.
На жаль, з заснавальнікаў Sepultura менскія аматары death & trash
metal пабачаць толькі басіста Паула-малодшага.
Як паведамляе афіцыйны сайт Sepultura, канцэрт у менскім Палацы спорту адбудзецца 4 сакавіка 2009 году. У беларускую сталіцу Sepultura прывязе сваю новую праграму «A-Lex». Альбом пабачыць сьвет у студзені 2009 году.
На адной з музычных студыяў Менску ўжо каторы дзень вядзецца актыўная
праца над новым супольным праектам беларускіх музыкаў.
Усе песьні для
праекту, які будзе прэзэнтаваны ўжо вельмі хутка, напісаў Лявон Вольскі,
натхнёны музыкай 60-х з усяго сьвету. У музыцы 60-х Лявона натхніў
ня толькі рокенрол, але й францускія, амэрыканскія, кітайскія і іншыя
мэлёдыі таго часу.
Новы альбом гурта «Ляпіс Трубяцкой» будзе выкладзены ў сеціве.
Дагэтуль беларускія выканаўцы ўжо неаднойчы выкладалі ў інтэрнэце свае
альбомы, але ня тыя, што можна лічыць прыярытэтнымі. Менавіта
«Маніфэст» ад «Ляпісаў» – адзін з прэтэндэнтаў на званьне «галоўнага
альбома 2008 году».
Галоўная задача сучаснага творчага чалавека – пераасэнсаваць ды
адаптаваць пад сучасныя рэаліі лёзунг DIY - do it yourself, І гэта
тычыцца ня толькі анарха-панк-культуры, але незалежнага мастацтва
наогул.
31 жніўня адбылася адноўленая імпрэза — «Рок па вакацыях». Некалі тыя
канцэрты ладзіліся на пляцоўцы ў Парку Чалюскінцаў, а цяпер — у КЗ
“Менск»”. У інтэрнэце зьявілася відэа выступаў музыкаў.
Праект Лявона Вольскага «Крамбамбуля» даў сольны канцэрт у Шклоўскай
калёніі ўзмоцненага рэжыму. «У Шклоўскай калёніі нас сустрэлі вельмі
гасьцінна - гарбатай, кавай, цукеркамі і печывам», - апавядае музыка.
«Крамбамбуля» прывезла ў Шклоў найлепшы апарат і сыграла гадзінную
праграму з адмыслова падабраных песень.
Увечары 19 ліпеня былі названыя ляўрэаты 19-га фэстывалю музыкі
маладой Беларусі «Басовішча-2008». Шэсьць прызоў, заснаваных
арганізатарамі і спонсарамі фэсту падзялілі між сабой тры гурты -
TLUSTA LUSTA з Горадні, Spita/\ь F зь Менску і «Глюкі» з Магілёву.
Гарадзенцы атрымалі асноўны прыз - бясплатны запіс альбома.
Цягам чэрвеня і ліпеня на беларускім сайце Experty.by у рубрыцы
«Галоўныя альбомы» былі зьмешчаныя рэцэнзіі на ўсе альбомы гурта «Ляпіс
Трубяцкой». Па выніках гэтых публікацыяў быў складзены рэйтынг дыскаў
калектыву, першае месца ў якім нечакана атрымаў альбом «Золотые яйцы»
(2004).