Згодна Календарнага плана выбараў ў мясцовыя Саветы дэпутатаў рэгістрацыя кандыдатаў у дэпутаты тэратарыяльнымі і акруговымі выбарчымі камісіямі павінна адбывацца з 16 па 25 сакавіка ўключна.


   Менавіта  на апошні тэрмін 25 сакавіка і прызначана рэгістрацыя кандыдатаў у Мазырскі райсавет Мазырскай раённай выбарчай камісіяй – паведаміла назіральнікам сакратар какмісіі Вераніка Байкова.

  Пра час паседжання яна параіла сачыць за абвесткай ў файе райвыканкама, дзе месціцца камісія, бліжэй да гэтай даты.

   З 26 сакавіка павінна была б пачацца і агітацыя кандыдатаў у дэпутаты і іх камандаў. Але два дні яшчэ адводзіцца на атрыманне кандыдатамі пасведчанняў аб рэгістрацыі. Магчыма дні тры будуць рэгістраваць давераных асобаў кандыдатаў у дэпутаты. Потым тыпаграфія акажацца перагружаная – і застанецца для агітацыі менш за два тыдні. Гэтак ужо было на папярэдніх мясцовых выбарах 25 склікання.

   Але гэта турботы кандыдатаў, апанентаў існуючай ўлады. Для кандыдатаў "ад улады” працуе свой механізм: - заказ на выраб агітацыйных плакатаў і ўлётак у тыпаграфіі выконвае тэратарыяльная выбарчая камісія (у абласны Савет на папярэдніх выбарах – па 2 тыс экз.). Яна ж цэтрылізавана атрымоўвае іх у тыпаграфіі, развозіць па ўчасткам  і можа даручыць разнесці ўлёткі па акругам  членаў участковых выбарчых камісіяў, тыя ў сваю чаргу (калі месцяцца ў школе) дзяцей-школьнікаў і іх бацькоў, альбо паштальёнаў.