Серада, 26.07.2017, 20:38
Вольны Мазыр! Усё аб Вольным Мазыры, і не толькі.
Галоўная | Рэгістрацыя | УваходНа галоўную старонкуДадаць у абранаеКарта сайтаПошукКантакт
Меню сайту
Галоўная старонкаГалоўная старонка
ГасцёўняГасцёўня
ФорумФорум
ФотаальбомФотаальбом
МультымедыяМультымедыя
Анлайн гульніАнлайн гульні
Вольная музыкаВольная музыка
ГороскопГороскоп
Гісторыя горадаГісторыя горада
Карта горадаКарта горада
СпасылкіСпасылкі
Акцыі і мітынгіАкцыі і мітынгі
Парады праваабаронцыПарады праваабаронцы

Аб сайцеАб сайце
Зваротная сувязьЗваротная сувязь
Падзелы навін
Беларусь [69]
Мазыр [79]
Культура [29]
У свеце [12]
Палітыка [160]
Грамадства [99]
Армейскі дзёньнік [9]
Спорт [19]
Рэклама
Наша апытанне
Лідары апазіцыі кажуць пра незалежнасьць,але атрымліваюць дэведэнты з ЗША. Апазіцыя залежыць ад ЗША?
Усяго адказаў: 46
Лічыльнік
Rating All.BY Каталог TUT.BY
Галоўная » 2010 » Жнівень » 16 » Акцыя «Патрабуем міжнароднага расследвання!»
Акцыя «Патрабуем міжнароднага расследвання!»
17:47

САЧЫЦЕ ЗА АБНАЎЛЕНЬНЯМІ.
онлайн рэпартаж ТУТ

  Сёння, у Дзень салідарнасці, у Менску пройдзе акцыя «Патрабуем міжнароднага расследавання!».

   Акцыя адбудзецца ў 18.00 ля Акадэміі навук. Беларусаў заклікаюць прыйсці туды з партрэтамі выкрадзеных і забітых віцэ-спікера Вярхоўнага Савета Віктара Ганчара, экс-кіраўніка МУС Юрыя Захаранкі, бізнэсмэна і грамадскага дзеяча Анатоля Красоўскага і журналіста Дзмітрыя Завадскага. Паводле пастановы Вярхоўнага суда, гэта не парушае ніякіх законаў.

  Пасля паказу на расейскім тэлеканале НТВ фільма «Хросны бацька», аўтары якога наўпрост казалі пра магчымую датычнасць Аляксандра Лукашэнкі да выкраданняў і забойстваў Ганчара, Захаранкі, Завадскага і Красоўскага, лідэры беларускай апазіцыі, праваабаронцы і вядомыя беларусы звярнуліся ў Раду Бяспекі ААН з просьбай правесці міжнароднае расследаванне гэтых злачынстваў. Тыдзень таму яны таксама накіравалі запыты міністрам замежных справаў пастаянных чальцоў Савета бяспекі ААН — Кітая, Расеі, Вялікабрытаніі, Францыі і ЗША.

  «Праваабаронцы Беларусі, адвакаты сем'яў і сваякоў зніклых выкарыстоўвалі ўсе ўнутраныя, а таксама рэгіянальныя і міжнародныя механізмы прававой абароны, але не дамагліся выніку. Кіраўнік Беларусі Аляксандр Лукашэнка, які застаецца ва ўладзе з таго часу, калі адбыліся знікненні, не стварыў умоваў для правядзення дакладнага і непрадузятага расследавання гэтых справаў і блакаваў спробы міжнароднай супольнасці даведацца праўду пра лёсы зніклых»,— кажацца ў дакуменце.

  Аўтары спасылацца на ранейшыя рэзалюцыі ААН, у якіх кажацца пра выкраданні людзей у Беларусі, на даклад Парламенцкай асамблеі Рады Еўропы, у якім беларускія чыноўнікі абвінавачваюцца ў датычнасці да выкраданняў. Беларусы спасылаюцца на прэцэдэнт стварэння Міжнароднай камісіі ААН па расследаванні забойства былога прэм'ер-міністра Лівана Рафіка Харыры і іншых палітычна матываваных забойстваў у Ліване.


  Ніхто не можа забараніць беларусам выйсці на вуліцы з партрэтамі выкрадзеных лідараў апазіцыі.

  Пра гэта заявілі сёння на прэс-канферэнцыі ў Менску старшыня Беларускай сацыял-дэмакратычнай Грамады Станіслаў Шушкевіч, лідар грамадзянскай кампаніі «Еўрапейская Беларусь» Андрэй Саннікаў, старшыня Аб'яднанай грамадзянскай партыі Анатоль Лябедзька, лідар кампаніі «Кажы праўду!» Уладзімір Некляеў і старшыня Менскай гарадской арганізацыі Партыі БНФ Віктар Івашкевіч.

  Сёння заяўнікі акцыі 16 жніўня атрымалі адказ з Менгарвыканкама, у якім паведамляецца, што ў адпаведнасці з арт. 5 Закона пра масавыя мерапрыемствы правядзенне акцыі па заяўленым маршруце (Акадэмія Навук – плошча Свабоды) забаронена.

  Лідары апазіцыі заявілі, што рашэнне Менгарвыканкама парушае заканадаўства і Канстытуцыю, якія даюць права на мірны пратэст. Акцыя пад лозунгам «Патрабуем міжнароднага расследвання спраў зніклых!» адбудзецца 16 жніўня, у 18.00 каля Акадэміі навук.

  Беларусаў заклікаюць прыйсці туды з партрэтамі выкрадзеных і забітых віцэ-спікера Вярхоўнага Савета Віктара Ганчара, экс-старшыні МУС Юрыя Захаранкі, бізнэсмэна і грамадскага дзеяча Анатоля Красоўскага і журналіста Зміцера Завадскага. Паводле пастановы Вярхоўнага суда, гэта не парушае ніякіх законаў.

  «Улады пазбягаюць прыняцця рашэння. Яны далі фармальную адпіску, парушыўшы закон, таму што, калі не дазваляецца правядзенне акцыі ў адным месцы, павінна быць прапанавана іншае. Але грамадзянам Рэспублікі Беларусі ніхто не забараняў і не можа забараніць сабрацца каля Акадэміі навук, 16 жніўня, у 18.00 з партрэтамі зніклых. Такі фармат правядзення акцыі не супярэчыць ніякім законам. Галоўная наша задача – прыцягнуць да праблемы палітычных знікненняў увагу беларускай і міжнароднай грамадскасці», - заявіў кіраўнік Менскай гарадской арганізацыі Партыі БНФ Віктар Івашкевіч.

   Лідар Беларускай сацыял-дэмакратычнай Грамады Станіслаў Шушкевіч адзначыў, што яго зусім не дзівіць рашэнне ўлад забараніць акцыю ў заяўленым фармаце.

  «Зразумела, што яны атрымалі ўказанне з самага «верху». Я гэта перажыў са сваім адкрытым лістом з нагоды пенсіі памерам у адзін даляр. Усе пяць структур, якія могуць звярнуцца ў Канстытуцыйны суд, далі «адлуп», а адна структура – Арбітражны суд – наогул адказала так, што паколькі гэта вырашаецца нашым кіраўніком, а да кіраўніка не дастукаліся, то яны могуць толькі адмовіць. Але мы павінны правесці акцыю 16 жніўня ў законным фармаце. Гэта наш абавязак - паважаць памяць зніклых», - сказаў Шушкевіч.

  Лідар АГП Анатоль Лябедзька звярнуў увагу на прававы бок дадзенага пытання.

   «Ёсць два рашэнні Вярхоўнага суда, якія адмяняюць рашэнні судоў ніжэйшай інстанцыі і пастанаўляюць, што, калі грамадзянін Рэспублікі Беларусь стаіць ў тым ці іншым месцы з партрэтам, гэта не трапляе пад дзеянне закона пра правядзенне мітынгаў і шэсцяў. Таму з прававога пункту гледжання фармат акцыі, які намі прапаноўваецца, абсалютна бяспечны», - адзначыў палітык.

   Лябедзька таксама нагадаў, што АГП звярталася ў Генеральную пракуратуру з просьбай распачаць крымінальную справу і праверыць факты, выкладзеныя ў знакамітым фільме расейскага тэлеканала НТВ «Хросны бацька». (Нагадаем, што ў фільме вышэйшае кіраўніцтва Беларусі абвінавацілі ў дачыненні да выкраданняў і забойстваў лідараў апазіцыі). Ніякага адказу з Генпракуратуры дагэтуль няма, нягледзячы на тое, што па законе адказ павінен быў прыйсці яшчэ 7 жніўня.

  «Мабыць, праблемы, выкладзеныя ў фільме, настолькі вялікія і непад'ёмныя, што пракуратура, якая абавязана кантраляваць выкананне закона, не можа сама выканаць гэты закон», - адзначыў Лябедзька.

   «Акрамя праблемы юрыспрудэнцыі, ёсць і праблема маралі. Адразу пасля паказу фільма «Хросны бацька» генпракурор быў абавязаны ўзбудзіць крымінальную справу, бо кіраўніка абвінавацілі ў забойствах апанентаў. То якая-небудзь птушачка капне на лысіну – адразу абраза гонару, і птушачку - за краты. А тут, выбачайце, увалілі не птушачкі. Гэта абвінавачванне сур'ёзнае. І маё абсалютнае маральнае права патрабаваць растлумачыць гэтае пытанне, праз выхад 16 жніўня ў 18.00 да Акадэміі навук. Гэта самае сур'ёзнае, з чым мы сутыкаемся. Таму што гэта закранае чалавечае жыццё», - адзначыў лідар кампаніі «Кажы праўду!» Уладзімір Некляеў.

   Лідары апазіцыі таксама паведамілі, што ў наш час вядзецца падрыхтоўка звароту ў Еўрапарламент з просьбай правесці слуханні, прысвечаныя тэме палітычных знікненняў у Беларусі. Зварот падпішуць вядомыя ў Беларусі палітыкі, праваабаронцы, грамадскія дзеячы, прадстаўнікі творчай інтэлігенцыі, а таксама сваякі выкрадзеных і забітых апазіцыянераў.

   Палітыкі таксама распавялі, як перадавалі зварот у Раду Бяспекі ААН праз амбасады краін, якія ўваходзяць у СБ - Кітая, Расеі, Вялікабрытаніі, Францыі і ЗША. Падчас сустрэч усе дыпламаты цікавіліся правядзеннем у Менску акцыі 16 жніўня.

  «Адказ Мінгарвыканкама на заяўку пра правядзенне акцыі «Патрабуем міжнароднага расследавання!» - гэта адказ беларускіх улад на абвінавачванні, якія прагучалі з боку расейскага тэлебачання. Тым самым улады прызналі, што ёсць праблема палітычных знікненняў і забойстваў, і яны маюць дачыненне да гэтага. Але ніхто нам не можа забараніць рабіць усё магчымае, каб справы зніклых былі разгледжаныя належным чынам.

  Што да звароту ў Саўбез ААН, то магу сказаць, што я быў у амбасадзе Расеі, Вялікабрытаніі і Кітая. Кітайская амбасада мае вельмі цвёрдыя інструкцыі не прымаць дакументаў ад грамадскіх арганізацый, але мы вельмі доўга і добра паразмаўлялі. І хачу адзначыць, што амбасада Кітая таксама цікавілася акцыяй: ці ёсць дазвол, якім будзе фармат. Гэта адбылося ўпершыню. Зварот быў адпраўлены прадстаўніку Кітая ў ААН. Чакаць нейкіх хуткіх вынікаў не варта, але мы будзем працягваць распачатае, таму што гэтая справа павінна быць пад сталым кантролем грамадскасці і апазіцыі, а ў будучыні – і новых улад Беларусі», - заявіў лідар грамадзянскай кампаніі «Еўрапейская Беларусь» Андрэй Саннікаў.

Катэгорыя: Палітыка | Праглядаў: 439 | Дадаў: Karnic | Рэйтынг: 0.0/0 |
Усяго каментароў: 0
Имя *:
Email *:
Код *:
Форма ўваходу
Лагін:
Пароль:
Каляндар навін
«  Жнівень 2010  »
ПнАўСрЧцПтСбНд
      1
2345678
9101112131415
16171819202122
23242526272829
3031
Дакладны беларускі час
Рэклама
Надвор'е
Надвор'е ў Мазыры
Інфармацыя сайта pogoda.by
Курсы валют
Трохі аб вас
Даведайся пра свой IP адрас
Статыстыка

Анлайн усяго: 1
Госцяў: 1
Карыстальнікаў: 0
LiveInternet
Copyright Вольны Мазыр © 2007 - 2017 Конструктор сайтов - uCoz