Сёньня ў судзе Чыгуначнага раёну Гомеля адбудзецца разгляд незаконнай адміністрацыйнай справы супраць актывіста моладзевага нацыянальнага руху Маладаы Фронту, Андрэя Цянюты. Пра гэта паведаміў праваабаронца Леанід Судаленка

Суразмоўца адзначыў, што Андрэй Цянюта быў затрыманы 20 сакавіка ў 19.50. "Гэта была загадзя сплянаваная правакацыя," – кажа Судаленка, – "на вуліцы да Андрэя падышлі трое невядомых ў цывільным, адзін зь якіх паваліўся і пачаў крычаць, што нібыта яго зьбівае апазыцыянэр. Тут жа зьявіліся міліцыянты, якія затрымалі маладафронтаўца і абвінавацілі яго ў дробным хуліганстве (арт.17.1 Кодэксу аб адміністратыўных парушэньнях)".